Turkmanistonda Digital Startup Awards (DSA) dasturining navbatdagi yarim final bosqichi bo‘lib o‘tdi. Ushbu xalqaro tashabbus Markaziy Osiyodagi startap ekotizimini qo‘llab-quvvatlash va istiqbolli loyihalarni aniqlashga qaratilgan bo‘lib, tadbir mahalliy tadbirkorlar, investorlar va biznes hamjamiyati vakillarini bir joyga jamladi. Ushbu bosqich dekabr oyida Toshkentda o‘tadigan Grand Final sari navbatdagi qadam bo‘ldi.

 

 

Yarim finalda 12 ta startap o‘z loyihalarini hakamlar hay’atiga taqdim etdi. Pich-sessiya yakunlariga ko‘ra, ikki finalchi — Bezen va E-mekdep — keyingi bosqichga o‘tib, Digital Startup Awards Grand Finalida ishtirok etish huquqini qo‘lga kiritdi.

 

 

Hakamlar hay’ati quyidagi Turkmaniston biznes va investitsiya hamjamiyati vakillaridan iborat bo‘ldi:

— Haknazar Babagulyyev, BerkTor asoschisi va bosh direktori, Ak Sahypa hammuassisi va moliya direktori, Business Angels Club a’zosi

— Sheker Saparova, BegYupek asoschisi va bosh direktori, Business Angels Club a’zosi

— Perhat Niyazklychev, Simmurg Group va Gerekli onlayn bozorining marketing direktori, Business Angels Club a’zosi

— Roman Soyunov, Rossiya-Isroil investitsiya fondi hammuassisi

 

 

Turkmanistondagi yarim final Markaziy Osiyoda o‘tkazilayotgan Digital Startup Awards dasturining muhim qismi bo‘lib, mintaqaviy hamkorlikni kuchaytirish, startaplarni qo‘llab-quvvatlash va innovatsion ekotizimni rivojlantirishga xizmat qiladi. Barcha ishtirokchi mamlakatlardan g‘olib bo‘lgan jamoalar Toshkentdagi Grand Final bosqichida jamlanib, dastur g‘olibi aniqlanadi.