Uzum milliy raqamli ekotizimi dunyodagi eng istiqbolli 100 ta fintech kompaniyasini o‘z ichiga olgan sakkizinchi yillik Fintech 100 reytingiga kirdi.

 

Ushbu ro‘yxat fintech kelajagini shakllantiradigan erta va o‘rta rivojlanish bosqichidagi startaplarni birlashtiradi. Tanlov bir qator miqdoriy va sifat mezonlariga, jumladan, bitimlar faolligi, sanoat hamkorligi, investitsiya kayfiyati, ishga qabul qilish dinamikasi va CB Insights shaxsiy tahliliy ma’lumotlariga asoslanadi.

 

Fintech 100 ro‘yxatiga kirish Uzum'ning nafaqat O‘zbekistondagi, balki xalqaro maydondagi yetakchi innovatsion kompaniyalardan biri sifatidagi rolini tasdiqlaydi. Bu kompaniyaning dunyodagi eng jadal rivojlanayotgan bozorlardan birida inklyuziv va kengayib borayotgan moliyaviy infratuzilmani yaratishdagi muvaffaqiyatining e’tirofidir.

 

"CB Insights'ni dunyodagi eng istiqbolli fintech kompaniyalaridan biri sifatida tan olinishimiz biz uchun katta sharaf. Uzum'da biz to‘lovlar doirasidan ancha tashqariga chiqib, moliyaviy xizmatlar, raqamli savdo va logistikani yagona ekotizimda birlashtiruvchi platformani yaratmoqdamiz.

 

Maqsadimiz — zamonaviy moliyaviy vositalarni har bir kishiga qulay qilishdir: bugungi kunda butun mamlakat bo‘ylab 2,7 milliondan ortiq Uzum Bank kartalari ishlatilmoqda, foydalanuvchilar esa nafaqat to‘lovlar va pul o‘tkazmalaridan, balki omonatlar kabi yangi mahsulotlardan ham foydalanmoqdalar. Biz insonlarga o‘z mablag‘larini osonroq va ishonchliroq boshqarishga, korxonalarga esa savdoni rivojlantirish, mijozlar ishonchini qozonish va samaraliroq ishlashga yordam beradigan yechimlarni yaratamiz.

 

Ushbu mukofot jamoamizning mashaqqatli mehnatini e’tirof etish va O‘zbekistonning raqamli iqtisodiyotning mintaqaviy yetakchisiga aylanganidan dalolatdir," — deya izoh beradi Uzum ekotizimi asoschisi va bosh direktori Djasur Djumayev.

 

CB Insights xususiy kompaniyalarning bashoratli tahlili bo‘yicha yetakchi hisoblanadi. Platforma kompaniyalarni topish va tahlil qilish, ustuvor bozorlarga e’tibor qaratish va raqobatchilardan o‘zib ketishga yordam beradigan tezkor ma’lumotlarni taqdim etadi. Sun’iy intellekt agentlari signallarni aniq va tasdiqlangan tahliliy ma’lumotlarga aylantirish qobiliyati tufayli samarali hisoblanadi. Kompaniya haqida batafsil: www.cbinsights.com.

 

Uzum — jismoniy shaxslar, kichik va o‘rta biznes uchun fintech, e-commerce va bank xizmatlarini birlashtirgan O‘zbekiston raqamli ekotizimi: marketpleys, tezkor yetkazib berish xizmati, klassik va raqamli banklar, BNPL xizmati, avtomobil sotib olish platformasi, shuningdek, tadbirkorlar uchun ilovadir. Uzum xizmatlaridan har oyda O‘zbekistonning 17 milliondan ortiq aholisi foydalanadi.