Toshkent, O‘zbekiston – 30 aprel 2025 yil – Markaziy Osiyoning texnologik maydonchasini yana bir bor qayta belgilashga tayyorlaning: Plug and Play Uzbekistan Expo 2025. Butun dunyoga mashhur innovatsion platforma Plug and Play tomonidan tashkil etiladigan ushbu tadbir payshanba, 15 may 2025 yil, soat 13:00 dan 19:00 gacha, Toshkentdagi O‘zbekiston Kasaba uyushmalari Saroyida bo‘lib o‘tadi. Butun kun davomida g‘oyalar almashuvi, networking va amaliy ma’ruzalar bo‘lib o‘tadi. Tadbirda startaplar, biznes liderlari, investorlar va hukumat vakillari ishtirok etadi – barchasi mamlakat innovatsion ekotizimini rivojlantirishga hissa qo‘shish maqsadida.

 

IT Park Uzbekistan bosh direktori Abdulahad Kuchkarov «Plug and Play Expo 2025 ko‘rgazmasi O‘zbekistonning mintaqaviy innovatsiya markazi sifatidagi o‘rni tobora mustahkamlanayotganini ko‘rsatmoqda. “Plug and Play” va Raqamli texnologiyalar vazirligi bilan hamkorligimiz orqali mahalliy startaplar rivojlanishi, sarmoya jalb qilishi va global miqyosda kengayishi uchun qulay muhit yaratmoqdamiz. IT Park Uzbekistan tadbirkorlarni qo‘llab-quvvatlash, innovatsion g‘oyalarni rag‘batlantirish va mamlakatimizni Markaziy Osiyo hamda undan tashqarida texnologiya va innovatsiyalar sohasida yetakchi markazga aylantirish yo‘lidagi sa’y-harakatlarini davom ettirmoqda.» deb ta’kidladi.

 

Plug and Play’ning O‘zbekistondagi faoliyati allaqachon sezilarli natijalar ko‘rsatdi. Batch 3 va Batch 4 akseleratsiya dasturlari hamda yuqori darajadagi President Tech Awards tanlovi doirasida o‘nlab startaplar qo‘llab-quvvatlandi, ularning yechimlari takomillashtirildi va moliyalashtirish yo‘lga qo‘yildi. Bu dasturlar nafaqat alohida kompaniyalarni rivojlantirdi, balki ijodkorlik va ambitsiya asosida o‘sib borayotgan jonli ekotizimni shakllantirdi. Expo 2025 esa mazkur yutuqlarni nishonlash va o‘zbek innovatorlarining moliyaviy xizmatlarni kengaytirishdan tortib shahar infratuzilmasini modernizatsiyalashgacha bo‘lgan mahalliy muammolarni qanday hal qilishini global bozorlarga namoyish etish uchun ajoyib platforma bo‘ladi.

Muhammad Mahmudov, Plug and Play Uzbekistan direktori, shunday deydi:

“2025 yil Plug and Play’ning O‘zbekiston Raqamli Texnologiyalar Vazirligi va IT Park Uzbekistan bilan hamkorligida muhim bosqich hisoblanadi. Biz birgalikdagi sa’y-harakatlarimiz orqali bizning akseleratsiya dasturlarimiz sifatini oshirdik, global miqyosdagi standartlarni mahalliy ehtiyojlarga yaxshiroq moslashtirdik. Jumladan, soha bo‘yicha ixtisoslashuv – fintech va korporativ AI programmalari – va korporativ tanishtirishlar bilan venchur kapital jalb etishni birlashtirish strategiyasi amalga oshirildi. Vazirlik va IT Park bilan hamkorlikni davom ettirib, startaplarni kengaytirish va mintaqaning kelajakdagi «yedinoroglarni» yetishtirishga intilamiz.”

 

Tadbir dasturi

 

• VC Mixer: tadbir boshida startaplar besh daqiqalik tezkor pitching sessiyalarida investorlar bilan tanishtiriladi; qiziqqan tomonlar sessiya tugagach chuqurroq muloqotni davom ettiradi.
• Batch 3 va Batch 4 startaplarining pitching sesiyalari: ishtirokchilar o‘z innovatsion yechimlarini ekspertlar, investorlar va potentsial hamkorlar oldida taqdim etadilar.
• President Tech Awards 2024 natijalari: O‘zbekistonning eng yaxshi startaplari taqdirlanadi va ularning yutuqlari namoyish etiladi.
• “Korporativ innovatsiyalar” paneli: sanoat liderlari korporativ innovatsiyalarning so‘nggi tendensiyalari, muammolari va imkoniyatlari haqida fikr almashadilar.

Asosiy spikerlar

 

• Olimjon Umarov: O‘zbekiston Respublikasi Raqamli texnologiyalar vazirining birinchi o‘rinbosari sifatida janob Umarov mamlakatning raqamli kelajagini shakllantirish va texnologik taraqqiyot uchun qulay muhit yaratishda muhim rol o‘ynaydi.
• Abdulakhad Kuchkarov: IT Park Uzbekistan bosh direktori sifatida janob Kuchkarov O‘zbekistonning innovatsiya ekotizimini rivojlantirishning oldingi safida turibdi, startaplarni qo‘llab-quvvatlash va investitsiyalarni jalb qilish bo‘yicha tashabbuslarni boshqarmoqda.
• Sascha Karimpour (Ochilish marosimi): Plug and Play Tech Center hamkori va STARTUP AUTOBAHN asoschilaridan biri sifatida janob Karimpour startaplar, korporatsiyalar va investorlarni bog‘lash bo‘yicha global tajribaga ega. U Plug and Playning Shtutgartdagi Mobility bo‘limini global miqyosdagi eng faol korporativ-startap hamkorlik platformasiga aylantirdi va hozirda Germaniya, Avstriya, O‘zbekiston va Hindistondagi operatsiyalarni nazorat qiladi.
• Muhammad Makhmudov (Yopilish marosimi): Plug and Play Uzbekistan direktori sifatida janob Makhmudov kompaniyaning O‘zbekiston va Markaziy Osiyoda innovatsiyalarni rivojlantirish va startaplarni korporativ hamkorlar va investorlar bilan bog‘lash bo‘yicha tashabbuslariga rahbarlik qiladi. Uning tajribasi orasida Xalqaro moliya korporatsiyasi (IFC) va Yevropa tiklanish va taraqqiyot bankida (EBRD) ishlash ham bor.
• Alfredo Gomez Soria: Plug and Play Tech Center korporativ aloqalar bo‘yicha direktori sifatida janob Gomez Soria innovatsion startaplar va global korporatsiyalar o‘rtasida strategik hamkorlikni rivojlantiradi, ochiq innovatsiya tashabbuslarini boshqaradi.
• Aziz Ochilov: Plug and Play Uzbekistan venchur investitsiyalar bo‘yicha assotsiati sifatida janob Ochilov O‘zbekiston ekotizimidagi istiqbolli startaplarni aniqlash va qo‘llab-quvvatlash bilan faol shug‘ullanadi.
• Hussein Mourad (Investitsiyaga tayyorlik. Virtual ma’lumotlar xonalari): Xalqaro bank ishi, moliyaviy menejment va venchur qurilishida 20 yildan ortiq tajribaga ega innovatsion lider janob Mourad Saudiya Arabistonidagi SHADOW Tech kompaniyasining bosh direktori va hammuassisi hisoblanadi. U operatsion mukammallik va strategik moliyaviy qo‘llab-quvvatlash orqali o‘lchovli startaplarni rivojlantirish va tadbirkorlarning keyingi avlodini kuchaytirishga e’tibor qaratadi, GCC bo‘ylab 9 ta startap uchun jamoalar tuzgan va ularni rivojlantirgan.
• Stephen Steers (Sotuvga asoslanmagan sotuv jamoasini qurish va o‘qitish): Kichik va o‘rta biznes, boshqariladigan xizmat ko‘rsatuvchi provayderlar (MSP) va professional xizmatlar ko‘rsatuvchi kompaniyalarning konversiya darajasini oshirishga yordam beradigan maslahatchi, trener va murabbiy janob Steers Steers Consulting prezidenti hisoblanadi. Uning tajribasi sotuv strategiyalari, tadbirkorlikni rivojlantirish va ishonchni oshirishni o‘z ichiga oladi, Google va BELCHAM kabi mijozlar uchun sezilarli natijalarga erishganligi bilan tanilgan.

Ular kun davomida mamlakatlararo hamkorlik, innovatsiyalarga sarmoya va mintaqaning texnologik salohiyatini ta’kidlaydigan ochilish nutqlarini so‘zlaydilar.

 

Batch 3

1 aprel kuni boshlanib, 17 ta startapni o‘z ichiga olgan uchinchi akseleratsiya to‘lqini:

 

• SynCall AI, Datagaze, medevery, K-Tech’s SmartBuilding360, VOLTIVA LLC, TrustMe, Sharh, MARS IT, Dialix AI, ZebraEye, TPM, Exode.biz, Sampler.az, Global Green Hub, FlexSoft, ISH.uz, Growy Me.

 

Batch 4

 

20 yanvar kuni boshlangan va hozirda 15 ta startapni o‘z ichiga olgan to‘rtinchi akseleratsiya to‘lqini:

 

• Bito.uz, Karmon, 1doc.uz, Jett, Robosell, Alem, MilliyPay, 4Rize, UzbekVoiceAI, Urbo, pDaftar, Cradle AI, Trust ID, Alsha, Secura.

 

Nega bu O‘zbekiston va mintaqa uchun muhim?

 

Plug and Play’ning O‘zbekistondagi faoliyati IT Park Uzbekistan va Raqamli Texnologiyalar Vazirligi bilan birga startaplarni xalqaro tarmoq bilan bog‘lab, mentorlardan tortib moliyalashtirish va bozorgacha bo‘lgan imkoniyatlarni taqdim etdi. Expo 2025 ushbu tezkor rivojlanishni yanada kuchaytirib, startaplar uchun nafaqat namoyish maydoni, balki keyingi bosqichlar uchun turtki beradi.

Yosh va texnologiyaga qiziqqan aholisi hamda raqamli transformatsiyani qo‘llab-quvvatlayotgan hukumat bilan O‘zbekiston mintaqada yetakchi o‘rinlarni egallashni maqsad qilgan. Expo xalqaro investorlarning diqqatini jalb qilib, mamlakatni jahon maydoniga olib chiqadi. Ishtirokchilar esa ushbu tarixiy lahzada – O‘zbekistonning global sahnaga chiqishida – bevosita ishtirok etish imkoniyatiga ega bo‘ladilar.

 

Tadbir tafsilotlari

 

• Ro‘yxatdan o‘tish: havola orqali (o‘rinlar cheklangan);
• Ijtimoiy tarmoqlar: LinkedIn’da yangiliklarni kuzatib boring.
   

Rasmiy hamkorlar

 

IT Park (O‘zbekiston Respublikasi Axborot Texnologiyalari va Kommunikatsiyalarini Rivojlantirish Vazirligi huzuridagi) – startaplarni ishga tushirish va bozorga chiqarish uchun infratuzilma va erkin iqtisodiy zona.

O‘zbekiston Raqamli Texnologiyalar Vazirligi – milliy axborot-kommunikatsiya tizimini rivojlantirish, telekommunikatsiya infratuzilmasini modernizatsiya qilish va xorijiy investitsiyalarni jalb qilish dasturlarini amalga oshiradi.

 

Plug and Play Tech Center haqida

Plug and Play Tech Center — startaplar, investorlar va korporatsiyalarni birlashtiruvchi global innovatsion platforma. Dunyo bo‘ylab 50 dan ortiq ofisga ega platforma startaplarga o‘sish va muvaffaqiyatga erishish imkonini beradi. Dropbox, PayPal va LendingClub kabi kompaniyalarning ishga tushishiga ko‘maklashgan. Plug and Play Uzbekistan esa mahalliy startap ekotizimini rivojlantirishga bag‘ishlangan.

 

OAV so‘rovlari va qo‘shimcha ma’lumot uchun murojaat: 

Dastur menejeri — Aziza Ortikkhujaeva:

• E-mail: a.ortikkhujaeva@pnptc.com

Telefon: (+998) 91-191-60-10.